பெரம்பலூர் மாவட்ட கலெக்டர் அலுவலக கூட்ட அரங்கில் பொதுமக்கள் குறை
தீர்க்கும் நாள் கூட்டம் நடந்தது. கூட்டத்தில் பொதுமக்கள் முதியோர்
உதவித்தொகை மாற்றுத்திறனாளிகள் உதவித்தொகை பட்டா மாற்றம் தொழில் தொடங்க
கடனுதவி வேலைவாய்ப்பு வீட்டுமனைப்பட்டா உட்பட பல்வேறு கோரிக்கைகளை
வலியுறுத்தி 361 பேர் மனுக்களை மாவட்ட கலெக்டர் தரேஸ் அமகதுவிடம்
அளித்தனர்.
அம்மனுக்களை சம்மந்தப்பட்ட அலுவலர்களிடம்
அளித்து குறித்த காலத்திற்குள் மனுக்களின் மீது தக்க நடவடிக்கை மேற்கொண்டு
மனுதாரருக்கு உரிய பதிலை அளிக்குமாறு கலெக்டர் அறிவுறுத்தினார். மேலும்
தகுதியான அனைவருக்கும் அரசின் நலத்திட்டங்கள் விரைவாக சென்றடையுமாறு
பணியாற்றிட வேண்டும் என்று அரசுத்துறை அலுவலர் களுக்கு மாவட்ட கலெக்டர்
அறிவுரை வழங்கினார்.
கூட்டத்தில் தமிழக முதல் வரின்
விரிவான மருத்துவ காப்பீட்டுத் திட்டத்தின்கீழ் இருதய அறுவை சிகிச்சை
பெற்று குணமடைந்த பெரம்பலூர் தாலுகா ஈச்சம் பட்டியைச் சார்ந்த மாணவன்
சண்முகநாதன் மற்றும் அவரது தாயார் சாந்தி ஆகியோர் தங்களது நன்றியை மாவட்ட
கலெக்டரிடம் தெரிவித்தனர்.
அப்போது சிகிச்சை
குறித்து மாணவனின் தாய் சாந்தி கூறுகையில் எனது கணவர் இறந்து 8 வருடங்கள்
ஆகின்றது. நான் கூலி வேலை செய்துதான் என் மகனை படிக்க வைத்துக்
கொண்டுள்ளேன். நெஞ்சு வலிப்பதாக கூறியதால் ஒரு ஆண்டிற்கு முன்பு தனியார்
மருத்துவமனையில் சிகிச்சைக்காக சேர்த்தோம். இருதய வால்வினை மாற்ற வேண்டும்
என்றும் அதற்கு லட்சக்கணக்கில் பணம் செலவாகும் என்று தெரி வித்தனர்.
அவ்வளவு செலவு செய்ய வசதி இல்லாததால் சிகிச்சை பெறாமல் மருந்து மாத்திரைகளை
மட்டும் வாங்கி கொடுத்தேன்.
முதல்வரின் விரிவான
மருத்துவ காப்பீட்டுத் திட்டத்தின்கீழ் இலவச அறுவை சிகிச்சை செய்து கொள்ள
மருத்துவ முகாமில் அரசு அலுவலர்கள் தெரிவித்ததால் இப்போது சென்னை அப்பல்லோ
மருத்துவமனையில் சிறந்த சிகிச்சையை இலவசமாக பெற்று இன்று என் மகன் நன்றாக
உள்ளார். அதற்காக விரிவான மருத்துவ காப் பீட்டுத்திட்டத்தை கொண்டு வந்த
முதல்வர் ஜெயலலிதா விற்கு நன்றி தெரிவித்துக் கொள்கிறேன் என்றார்.
-maalaimalar.com
